اكتر حاجة تبسطك من مديرك

سؤال محتاج لجواب
الاجابة هتكون مفيدة للمديرين قبل المرؤوسين
ياريت ماتبخلوش بالرد
اكتر حاجة مديرك عملها خلاك سعيد جدا .... اية هية بالظبط ؟
مديرك لو عملك اية هتكون سعيد جدا؟؟

بمعنى
لو عملك مكافئة ولا لو بعتلك ايميل شكر ولا .... ولا ...


منتظر اجابتكم

ان يزود مرتبى

اكتر حاجة تخلينى مبسوط من مديرى سبع أشياء :-
1- زيادة مرتبى بنسبة 39% (حصلت مرة بس ملوش دخل فيها )
2- انه يرفع من روحى المعنوية بالكلمة الطيبة او التشجيع المستمر .(دايما يقول احنا درجة تانية او احنا بنقع )
3- انى اتعلم منه شئ مفيد سواء علميا او اداريا .(كتوم جدا .على نظام دارى على شمعتك )
وللحديث بقية اذا كان فى العمر بقية وفضلت اسد ومقلبتش قطة

اكتر حاجة تبسطنى
انى باخد راحة الجمع والسبت استريح منه

دلوقت بصراحه ، هو كويس جدا وانسان كمان .
بس دايما مستعجل ، بس جدع بصراحه.وقابل للتغيير للافضل ديما.
واللى نفسى فيه طبعا : مرتبى يزيد عشره عشرين الف جنيه كده.
والشركه يبقى فيها سيستمممممممممممممممممممممممممممممممممممممم.
اه والله
ياريت يا اخوانا يبقى فيه سيستم ، بس بعد ما السيستم اللى عندى يختفى خااااااااااااااااااااااااالص

والله يا جماعة بتفكروني بأحلام اليقظة
هههههههههه

نسبة كبيرة مكن المديرين في المجموعة ......
انا عن نفسي مديري.... هههههههه

يسعدنى من مديرى انه ( يتقى الله بس )

مش عارف بس هاقول اربع حاجات يبسطوني من مديري لو اتحققوا و لو بنسبة 50%:
1- انه يزود مرتبي لان انا جاي اشتغل عشان الرزق مش منظرة لان سياسة المديرين في مصر ان كلمة ازود مرتب اللي تحت ايدي ده عيب كبير بس المشكلة انه مش فاهم لو انه زود مرتبي لازم بالضرورة هو يزيد و كمان يرفع سعر و مقام الناس بتوعه في الادارة العليا و يجبر الادارة انها تحافظ عليهم و الا اذا كانت ديه السياسة المطلوبة
2-انه يقدر المجهود مش ابقي سهران طول الليل في مشكلة و تكون بقالها زمن و محدش حلها و يجي الصبح يقولي انتوا كنتوا بتعملوا ايه طول الليل مع ان المشكلة انه جرب قبل كده مش عارف الكرسي بيبدل النفوس
3-انه يكون في ضهري لما تحصل مشكلة مع حدو خصوصا الموارد البشرية وده مش معناها انه ينصرني ظالم او مظلوم بس لما يكون ليا حق يجيبوا من بق الاسد مش يدور علي تسوية عشان المشاكل او يسبني مني للظلمني معلش اصل انا ماشي بمبدا انا اخد حقي و اتحامي في ابويا
4-اهم بند من وجهة نظري و هو ان انا اتعلم منه حاجة جديدة و ديه للاسف مش موجودة في معظم الادارات في مصر مش عارف نوع من خوف المدير علي مكانه و لا عدم ثقة في نفسه و طبعا ديه مشكلة بتلاقيها تحت مسمي انه مفيش صف تاني في الادارات